لوعتي فيك لوعه ما لها من مثيل
جدد الوقت جرحي بين يوم وليله
آه يا حظي جد لي لو بشيء قليل
ما خبرتك كريم مير ما فيك حيله
. . . .
حملي اللي أشيله فوق متني ثقيل
كل ماجيت أحطه عارضتني جميله
ليتها عن هوانــا تنتحي للبديـــل
كود حالك حبيبي يمي يطلق سبيله
. . . .
من غلاك أفتخر بك وأعمل المستحيل
لو أعاني حياتي خلن يعشق خليله
ما عرفت المذله لا .. ولا أنته ذليل
عزة النفس فينا يا حبيبي حصيله
. . . .
سالت دموع عينك وأنا دمعي يسيل
حزني اللي ملكني والليالي طويله
وقتي اللي طلبته من واثره بخيل
شح وقتي ودبر ما عطاني قليله
من غلاك افتخربك
العرض العادي
